Kryetari i PDK-së Kadri Veseli bashkë me kryesinë e partisë, në Ditën e çlirimit të Skenderajt kanë bërë homazhe pranë Memorialit të Jasharajve në Prekaz dhe te Memoriali i dëshmorëve në Marinë.

Veseli më anë të një postimi në facebook ka thënë se në këtë ditë të shënuar përkulja para sakrificës së Jasharajve dhe dëshmorëve të kombit, është e domosdoshme si detyrim moral ndaj gjeneratave të tëra për çlirim, shkruan arbresh.info.

Postimi i plotë:

Në Ditën e çlirimit të Skenderajt, me kryesinë e PDK-së, kemi bërë homazhe pranë Memorialit të Jasharajve në Prekaz dhe te Memoriali i dëshmorëve në Marinë.

Në këtë ditë të shënuar, përkulja para sakrificës së Jasharajve dhe dëshmorëve të kombit, është e domosdoshme si detyrim moral ndaj gjeneratave të tëra për çlirim.

Amaneti i dëshmorëve, sot, përcillet me nderimin më të lartë për angazhimin e secilit në punët dhe përgjegjësitë e veta, me përkushtimin për fuqizimin e shtetit dhe shtetësisë tonë.

Zotimi ynë në takimin me strukturat e partisë në Skenderaj, është rrugë njëkahore, e kontributit për të sotmen dhe të nesërmen e mirëqenies së të gjithë qytetarëve, brenda vlerave euro-atlantike.